Avtomobil rasmiylashtiruvi qanday hisoblanadi
Bojxona qiymati — avtomobil narxi va O'zbekiston chegarasigacha yetkazib berish xarajati. Boj va QQS shundan hisoblanadi.
Boj va QQSdan tashqari bojxona rasmiylashtiruvi yig'imi (qiymatga qarab 1 dan 25 BHMgacha), utilizatsiya yig'imi va aksiz to'lanadi. Boj stavkasi dvigatel turi, hajmi va avtomobil yangi yoki foydalanilganiga bog'liq — kalkulyator shu ma'lumotlar bo'yicha 8703 guruhidan TIF TN kodini o'zi tanlaydi.
Yengil avtomobillar uchun boj stavkalari
| Avtomobil | Benzin | Dizel |
|---|---|---|
| Yangi, 1 yilgacha | 15% + sm³ uchun $0,4–1,25 | 15% + sm³ uchun $0,6–1,25 |
| Yangi, 1 yildan 3 yilgacha | 30% + sm³ uchun $1,8–3 | 30% + sm³ uchun $2–3 |
| Foydalanilgan | 40% + sm³ uchun $3 | 40% + sm³ uchun $3 |
| Gibrid, yangi, 1 yilgacha | 15% | |
| Gibrid — boshqa holatlar | 30% | |
| Elektromobil | 0% | |
Har bir sm³ uchun summa dvigatel hajmi bilan oshadi. Har bir kod bo'yicha aniq stavkalar — TIF TN ma'lumotnomasi, 8703 pozitsiya. Manba: PQ-3818-son qaror (PQ-58, 11.02.2026 tahririda), lex.uz.
Yengil avtomobillar uchun utilizatsiya yig'imi
| Dvigatel hajmi | 3 yilgacha | 3 yildan ortiq |
|---|---|---|
| 1000 sm³ gacha | 30 BHM | 90 BHM |
| 1000–2000 sm³ | 120 BHM | 210 BHM |
| 2000–3000 sm³ | 180 BHM | 330 BHM |
| 3000–3500 sm³ | 180 BHM | 390 BHM |
| 3500 sm³ dan ortiq | 300 BHM | 480 BHM |
| Elektromobil | 120 BHM | 210 BHM |
1 BHM = 440 000 so'm. Stavkalar — Vazirlar Mahkamasining 02.06.2020 yildagi 347-son qarori. Batafsil — «O'zbekistonda utilizatsiya yig'imi» maqolasida.
Avtomobilni rasmiylashtirish uchun hujjatlar
- oldi-sotdi shartnomasi yoki kontrakt va invoys;
- olib chiqilayotgan davlatda ro'yxatdan o'tkazish yoki hisobdan chiqarish hujjati (foydalanilgan avtomobillar uchun);
- transport hujjatlari — CMR, temir yo'l yuk xati yoki konosament;
- ishlab chiqarilgan yili va dvigatel hajmini tasdiqlovchi hujjatlar (VIN, texnik ma'lumotlar);
- kelib chiqish sertifikati — davlat bo'yicha imtiyoz kerak bo'lsa (masalan, MDH uchun ST-1);
- muvofiqlik sertifikati — talablarni avtomobil sotib olishdan oldin tekshiramiz.